Debuut

Die begrafnisrede

MET Wynand van Vollenstee TEKS Wynand van Vollenstee REGIE Wynand van Vollenstee en Willie Esterhuizen VERHOOGBESTUURDER Martin Breedt VERVAARDIGER That’s Freakin Nice Productions

Om die tydelike met die ewige te verwissel kom met sy eie uitdagings. Basies is dit dieselfde proses as om ’n bruilof te reël – blomme, spyseniering, vervoer, uitrustings – die enigste groot verskil is jy kan nie kies om dit nié by te woon nie. Gelukkig kom Gabriel van Gabriel en Seun Sakpas Begrafnisdienste tot jou redding wanneer jy hulle die nodigste het. Hul welbekende begrafnisonderneming se slagspreuk sê dit alles: “Ons is hier vir jou wanneer jy nie meer is nie.” Hierdie unieke begrafnisonderneming bied alle dienste onder een dak – van traumaberading tot hul gewilde vyfster-begrafnisbroodjiebuffet. Die heel duurste pakket sluit tot tien professionele rouklaers in om die gepaste, intense atmosfeer te skep. Kom lag saam vir die skreeusnaakse karakters wat ons al almal by dié byeenkomste gewaar het en ervaar die ligte kant van die laaste paragraaf van ons lewensboek.

Afrikaans • Geen o.13 T • 70 min.
R190 (vooraf) • R170 (Vriende van die KKNK) • R200 (by die deur)
23 Maart, 13:30
24 Maart, 13:30
25 Maart, 19:30
kykNET Hoërskoolsaal

Het jy al gekyk na:

Dit is dieselfde skoolsaal, maar dis 40 jaar later, by die 1980-matriekgroep se reünie soos beleef deur Petrus Boshoff, die verteller. Die voormalige matrieks word ...
Ná ’n mislukte selfdoodpoging en drie weke in ’n psigiatriese kliniek, pak Helena haar karretjie met een tas klere en bokse vol familie-items wat sy ...
Hendrik keer vir die eerste keer in 15 jaar terug na sy ouerhuis. Die huis is verlate en hy besluit om in die donker kelder ...