MET Marko van der Colff GESPREKSLEIER Elna van der Merwe
Dieper as drome is die bekende akteur Marko van der Colff se debuutroman. Marcus Moore verlaat sy armoedige ouerhuis in Skotland ná ’n gewelddadige voorval. Sy oë is vol blink klippies en hy klim op ’n skip na Suid-Afrika. Sy droombestemming is Kimberley en later die woelige Goudstad. Hy leer legendariese fortuinsoekers, swendelaars en selfgemaakte magnate soos Barney Barnato ken. Hy skuur ook skouers met historiese figure soos Olive Schreiner, Cecil John Rhodes en Paul Kruger. Dit handel oor ’n fassinerende tyd in Suid-Afrika se geskiedenis en dis ook ’n tydlose liefdesverhaal.
