Hoekom stotter ons pa’s so?

Dis ’n eerste: ’n Afrikaanse boek oor diensplig deur ’n vrou geskryf en daarby is sy in haar dertigs. Agterop Anelia Heese se boek word dit só opgesom: Sy vra ongemaklike vrae om haarself en ander – veral jonger – Suid-Afrikaners te help sin maak van diensplig en die nadraai daarvan. Soos wie nou eintlik die vyand was, en wat dit beteken om jou land te dien. . .” Sy verduidelik in ’n onderhoud sy het besef daar moet nog soveel onverwerkte pyn wees, want in die boeke wat sy gelees het, is net gefokus op recces se heldedade. Anelia Heese gesels met ons vanuit Berlyn.