MET Adam Welz GESPREKSLEIER Hans van der Veen
Wat het veroorsaak dat ’n megatrop van sowat 211 000 saiga-wildsbokke in 2015 binne vyf dae in Kazakstan gevrek het? Wat het al die langer droogtes en verwoestende storms te doen met varswatervelsiekte wat al meer onder dolfyne oor die wêreld heen voorkom? Dis die soort kwessies wat Adam Welz bekyk in sy baanbrekerboek The End of Eden, wat op klimaatineenstorting fokus. “Dit is ’n ontstellende en belangrike boek, ’n kalm beskrywing van ’n katastrofe, asof Vermeer besluit het om ’n verskriklike gruwel in ‘stadige aksie’ te skilder.” So skryf The New York Times hieroor.
